“აპოლონ-17” შორტის კრატერთან

 1972 წლის დეკემბერს, ”აპოლონ-17”-ის ასტრონავტებმა იუჯენ სერნანმა და ჰარისონ შმიტმა მთვარის ზედაპირზე, ტაურუს-ლიტროუს ზეგანზე, 75 საათი გაატარეს, ხოლო მათი კოლეგა რონალდ ევანსი ორბიტიდან აკვირდებოდა მათ. ეს ფოტო შმიტმა, მისი და სერნანის, ზეგანის ფსკერზე მოგზაურობის დროს გადაიღო. ფოტოზე შმიტი ყველგანმავალთან ერთად შორტის კრატერის კიდეზე დგას, ახლოს იმ ადგილთან, სადაც გეოლოგმა შმიტმა მთვარის ნარინჯისფერი გრუნტი იპოვა. ფოტოზე ჩამოტანილი ნიმუში დიდი გადიდებითაა ნაჩვენები, ხოლო მარცხენა ჩანართში აღმოჩენის ადგილი. ნარინჯისფერი გრუნტი 0,1 მმ. ზომის ნაწილაკებს შეიცავს, ყველაზე უფრო მცირე მთვარეზე ნაპოვნთა შორის. პლანეტოლოგების ვარაუდობენ, რომ ნარინჯისფერი გრუნტი შორეულ წარსულში ვულკანური ამოფრქვევის დროს გაჩნდა. ზუსტი ქიმიური ანალიზით დადგინდა, რომ 3,64 მილიარდი წლის წინანდელი ინტნსიური ვულკანური ამოფრქვევის დროს გამდნარი ქანების პატარა წვეთები, სწრაფად გაცივებასთან ერთად, ფერად, თითქმის სფეროს ფორმის გრანულებად გადაიქცნა. მიუხედავად ამისა მაინც გაურკვეველია, თუ საიდან მოხვდა ამ ქანებში ზოგიერთი არადამახასიათბელი ელემენტი. ”აპოლონ-17”-ის ეკიპაჟმა დედამიწაზე 110 კილოგრამი საანალიზო გრუნტი და ქვები ჩამოიტანა, იმაზე მეტი, რაც მთვარის ნებისმიერმა სხვა მისიამ. ახლა, 40 წლის მერე, სერნანი და შმიტი ბოლო ადამიანებად რჩებიან, რომლებმაც მთვარის ზედაპირზე იარეს.

Leave a Reply

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *