Posted by ვარსკვლავები პატარა არასწორი ფორმის გალაქტიკებშიც იბადებიან. ჯუჯა გალაქტიკა IC 2574-ში ვარსკვლავთწარმომქმნელი პროცესების აშკარა ნიშნებია, რაზეც მოვარდისფეროდ მანათობელი წყალბადის ღრუბლები მეტყველებენ.
როგორც დიდი გალქტიკების სპირალურ მკლავებში, ვარსკვლავთწარმომქმნელი რეგიონების ტურბულენტური ზონები IC 2574-ში ვარსკვლავური ქარითა და ზეახლების აფეთქებათა ნარჩენებით არის სავსე. ზეახლები ვარსკვლავთშორის სივრცეში ახალ ნივთიერებებს ამატებენ და ახალი ვარსკვლავების წარმოქმნის პროცესებს უშვებენ. IC 2574 ჩვენიდან 12 მილიონი სინათლის წლის მანძილზე, დიდი დათვის თანავარსკვლავედის მიმართულებით მდებარეობს და გალაქტიკა M81-ის გარშემო მყოფილ გალაქტიკების ნაწილად ითვლება. სამყაროს ეს შესანიშნავი კუნძული, სულ რაღაც 50 000 სინათლის წლის ზომით, 1898 წელს ამერიკელმა ასტრონომმა ედვინ კოდინგტონმა აღმოაჩინა და მის სახელსვე ატარებს.