ცისფერი მთვარე

 ამ იშვიათ მოვლენას არანაირი კავშირი არა აქვს მთვარის ფერთან. თვეში ორი სავსემთვარეობა იშვიათი მოვლენაა და 2,7 წელიწადში ერთხელ ხდება.

 ჩვეულებრივ, წელიწადში 12 სავსემთვარეობაა, ყოველ თვეში თითო. თუმცა, ზოგიერთ წლებში, მათ შორის 2015-შიც, 13 სავსემთავრეობა იყო. ამ ერთ „ზედმეტ“ სავსემთვარეობას „ცისფერ მთვარეს“ უწოდებენ. მთვარის (სინოდური) თვე 29,530589 დედამიწის დღე-ღამე გრძელდება, რაც დედამიწის თვეებზე მცირეა, თებერვლის გამოკლებით. სწორედ ეს შეუსაბამობა იწვევს „ზედმეტ“, მეცამეტე სასვსემთვარეობას ზოგიერთ წლებში.

 სახელი „ცისფერი მთვარე“, ინგლისური ტერმინიდან – Blue Moon და შესაბამისი იდიომატური გამონათქვამიდან – Once in a Blue Moon მოდის, რაც ძალიან იშვიათს ნიშნავს (უშაბათო კვირას, თუ რაღაც ამდაგვარი).

 ასე რომ, თუ თქვენი ყურადღებმა ცაზე ამოსულმა სავსე მთვარემ მიიპყრო, ჩვენი ბუნებრივი თანამგზავრის ფერის შეცვლას ტყუილად ნუ დაელოდებით, უბრალოდ იცოდეთ, რომ თქვენ იშვიათი ასტრონომიული მოვლენის მომსწრე გახდით (აღსანიშნავია, რომ მოცისფრო იერი მთვარემაც და მზემაც კი შეიძლება მიიღოს, რაც ატმოსფეროში ასულ უწვრილეს ნაწილაკებზე სინათლის თავისებური გაბნევით აიხსნება (თინდალის ეფექტი; მთვარის ილუზია; დიდი მთვარე და უცნაური ოპტიკური მოვლენა; როგორ მოქმედებს მთვარე ცოცხალ ორგანიზმებზე?(მიხეილი); ცუნამი, მიწისძვრა და “სუპერ სავსემთვარეობა”).