სეიფერტის სექსტეტი

 რომელი გალაქტიკა გაიმარჯვებს ამ ბრძოლაში? სეიფერტის სექსტეტის სახელით ცნობილი გალაქტიკათა ეს ჯგუფი, გველის თანავარსკვლავედის თავთან მდებარეობს. ამ “სექსტეტში”, მხოლოდ ოთხი ურთიერთქმედი გალაქტიკა შედის. ”ჰაბლით” გადაღებული ფოტოს ცენტრთან, პატარა სპირალური გალაქტიკა ჩანს (ყველაზე დიდი სპირალური გალაქტიკა), რომელიც გალაქტიკური ჯგუფიდან ძალიან შორსაა და თვალთახედვის ერთ ხაზზე მდებარეობის გამო მოხვდა კადრში. მატერიის წაგრძელებული ფრაგმენტი მარჯვენა ქვედა კუთხეში, როგორც ჩანს, არა გალაქტიკა, არამედ ვარსკვლავებისგან შემდგარი კუდია, წარმოქმნილი გალაქტიკების რთული გრავიტაციული ზემოქმედებების შედეგად (“ანტენების” ბრძოლა; გიგანტური მანათობელი პინგვინი). გალაქტიკებამდე მანძილი 190 მილიონი სინათლის წელია. ისინი საკმაოდ კომპაქტრუად, 100 000 სინათლის წლის ზომის სივრცეშია თავმოყრილი, ანუ ჩვენი გალქტიკის ზომის სივრცეში. ამგვარად, ეს არის გრავიტაციულად დაკავშირებულ ცნობილ გალაქტიკათა შორის ყველაზე მჭიდრო ჯგუფი, რომელიც რამდენიმე მილიარდი წლის მერე ერთ გიგანტურ ელიფსურ გალაქტიკად გადაიქცევა (გალაქტიკები; ყველაზე მჭიდრო გალაქტიკა; ჩახლართული გალაქტიკა NGC 3169; ).