ობსერვატორია IceCube-მ გამა-ანთებით გაჩენილი ნეიტრინოები ვერ დააფიქსირა

 თანამედროვე წარმოდგენების მიხედვით, გამა-ანთებების ყველაზე უფრო შესაძლო წყაროდ ვარსკვლავის გრავიტაციული კოლაფსი ითვლება, როცა ის თავისივე სიმძიმით იკუმშება და ნეიტრონულ ვარსკვლავად ან შავ ხვრელად გადაიქცევა. ამ პროცესის მსვლელობისას მაღალი ენერგიების ნეიტრინოები უნდა გაჩნდნენ, რომელთა რეგისტრირებაც შესაძლებელია.

 ასეთი ნეიტრინოების ძებნით IceCube-ა დაკავებული. ექსპერიმენტის დაწყების მერე 190 გამა-ანთება იქნა დაფიქსირებული, თუმცა საჭირო ენერგიის ნეიტრინოების რეგისტრირება მან ვერ შეძლო. მეცნიერთა თქმით, ეს იმას შეიძლება ნიშნავდეს, რომ ან გამა-ანთებების დროს 3,7-ჯერ ნაკლები ნეიტრინოები წარმოიქმნება, ვიდრე თანამედროვე თეორიები წინასწარმეტყველებენ, ან არსებობენ მაღალი ენერგიების ნეიტრინოების სხვა წყაროებიც, რომელთა ფონზეც გამა-ანთებები კარგად არ არიან გამოკვეთილნი.

 გამა-ანთებისეული ნეიტრინოს პრობლემა კარგა ხანია რაც არსებობს. 2011 წლის აპრილში, ჟურნალ Physical Review Letters-ში გამოჩნდა სტატია, რომელშიც ნათქვამი იყო, რომ IceCube-მ გამა-ანთებით გაჩენილი ნეიტრინოები 2008 წლის აპრილიდან 2009 წლის მაისის ჩათვლით პერიოდში ვერ დააფიქსირა. იმის გამო, რომ მეცნიერებს არ ჰქონდათ დაგროვებული საკმაო რაოდენობით სტატისტიკა, მაშინდელი ნამუშევარი სპეციალისტებმა არ ჩათვალეს არსებული თეორიების გადასამოწმებლად საჭირო მტკიცებულებად.

 ობსერვატორია IceCube სამხრეთ პოლუსზე მდებარეობს. ის წარმოადგენს 68 ჭაბურღილს, სიღრმეებით 1,4-დან 2,5-მდე კილომეტრი. დეტექტორები ყინულების სქელ ფენებში გაჩენილ ელემენტარულ ნაწილაკებს არეგისტრირებენ, რომლებიც ნეიტრინოების გაყინულ წყალთან შეჯახებით წარმოიქმნებიან. თუ ასეთ ლეპტონებს(ანუ ნეიტრინოსაც) საკმარისი ენერგია აქვთ, მაშინ მათი წყლის მოლეკულებთან შეჯახების მერე ფოტონები გამოსხივდებიან, რომელთაც დეტექტორები აფიქსირებენ.

Leave a Reply

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *