Posted by ავსტრალიელმა, ავსტრიელმა, იაპონელმა, გერმანელმა, ებრაელმა და ა.შ.შ. ასტროფიზიკოსებმა აღმოაჩინეს, რომ წარსულში, დედამიწიდან შედარებით ახლოს მდებარე ზეახლების აფეთქებების შედეგად, ჩვენმა პლანეტამ რადიოაქტიური იზოტოპებით ბომბარდირება განიცადა(Nature).
რკინის იზოტოპი(Fe-60) წყნარი, ატლანტისა და ინდოეთის ოკეანეების ქერქქვეშა ნალექებში იქნა აღმოჩენილი. ეს ნაწილაკები მილიონზე მეტი წლის წინათ, ზეახლების აფეთქებების მერე მოხვდა დედამიწაზე.
ერთ-ერთი ზეახალი, 9,2 მზის მასით, 2,3 მილიონი წლის წინათ აფეთქდა. მეორე კი 1,5 მილიონი წლის წინათ, მასით ჩვენს მნათობს 8,8-ჯერ აჭარბებდა. მეცნიერთა აზრით, ორივე კატასტროფა დედამიწიდან 60-130 პარსეკის(196-424 სინ.წ.) მანძილზე მოხდა.
_საერთაშორისო ჯგუფმა, ოკეანის ფსკერიდან 120-მდე ნიმუში ამოიტანა. მიღებული მონაცემები უკანასკნელ 11 მილიონ წელიწადს მოიცავს. რკინის სტაბილური იზოტოპისგან განსხვავებით(Fe-56), Fe-60-ს ნახევრადდაშლის პერიოდი აქვს, რომელიც 2,6 მილიონ წელს უტოლდება. დედამიწაზე შემონახული ასეთი იზიტოპები არამიწიერი წარმოშობისაა(ბირთვული დაშლა და სინთეზი).
სულ, ასტროფიზიკოსების აზრით, 1,7-3,2 მილიონი წლის წინათ, დედამიწამ რადიოაქტიური ნაგვით ბომბარდირება რამდენიმეჯერ განიცადა. ეს ზეახლები შეუიარაღებელი თვალითაც ჩანდა და მათი აფეთქებები კლიმატური ცვლილებების პერიოდებს ემთხვევა(ზეახლის კვალი დედამიწაზე; მომაკვდინებელი გამა-ანთებები; სად დაიკარგა კოსმოსური პლუტონიუმი?; რადიაცია ჩვენს გარშემო).