ყველაფერი ასტრონომიის შესახებ
მეტალებით ღარიბი ვარსკვლავის HD 140283-ის ასაკი, რომელიც დედამიწიდან 190 სინათლის წლის მანძილზე მდებარეობს, 14,46±0,80 მილიარდი წელია, ანუ ჩვენი მეზობელი თითქმის ისეთივე ხნიერია, როგორც სამყარო(PhysOrg).
ჩინელმა მეცნიერებმა გიგანტური ელვას კვლევის შედეგები გამოაქვეყნეს, რომელიც 2010 წელს შანდუნის პროვინციის ქალაქ ბინჩჟოუს თავზე დაფიქსირდა(Chinese Science Bulletin).
პატარა, სულ რაღაც ჩემოდნისხელა კანადური სატელიტი, რომელიც 25 თებერვალს ინდოეთიდან კოსმოსში გაუშვეს, ასტეროიდების საძებნელად არის შექმნილი, ასტეორიდებისა, რომლებიც მზის სისტემაში არიან და დედამიწისთვის საფრთხეს წარმოადგენენ. ეს არის პირველი სატელიტი, რომელსაც შეუძლია დიდ მანძილზე დააფიქსიროს და უთვალთვალოს ნებისმიერ კლდოვან ნამსხვრევს.
მთვარის ქანებში აღმოჩენილი წყლის კვალი, მთვარის ფორმირების თეორიას ეწინააღმდეგება, რომლის მიხედვითაც ის, დედამიწასთან პლანეტის ზომის სხეულის შეჯახებით გაჩნდა(University of Michigan).
დიდი ადრონული კოლაიდერი უახლოესი ორი წლის განმავლობაში არ იმუშავებს(BBC).
ასტრონომებმა აღმოაჩინეს, რომ ზეახალ W49B-ს ნარჩენი შეიძლება, ჩვენს გალქტიკაში, დღეისათვის ცნობილთა შორის, ყველაზე ახალგაზრდა შავ ხვრელს შეიცავდეს(NASA).
მზემ თვისი მერყევი ხასიათი კიდევ ერთხელ გამოავლინა, მან მძლავრი კორონალური ამონაფრქვევი პირდაპირ დედამიწისკენ გამოისროლა(eurekalert.org).
ევროპის კოსმოსურმა ობსერვატორია ”XMM-ნიუტონმა” გიგანტური ვარსკვლავის ინტენსიური ქარის დეტალური კვლევა დაასრულა. აღმოჩნდა, რომ ეს ნაწილაკური ნაკადი არაერთგვაროვანია, ის ასეულობით ათასი ფრაგმენტისაგან შედგება(ESA).
მარსმავალმა ”ცნობისმოყვარეობამ” მეცნიერების ისევ გააოცა(Universe Today).