IC 1805: ნისლეული გული

 ემისიური ნისლეული IC 1805, შემდგარი მანათობელი ვარსკვლავთშორისი გაზისა და ბნელი მტვრის ღრუბლებისგან, თითქმის 200 სინათლის წლის მანძილზეა გადაჭიმული. ვალენტინობის დღის შესაფერისმა ნისლეულმა, გულის სახელი მიიღო. IC 1805, ჩვენიდან 7 500 სინათლის წლის მანძილზე, ირმის ნახტომის სპირალურ მკლავში, პერსევსში მდებარეობს. კოსმოსური გულის ცენტრში ახალაგაზრდა ვარსკვლავური გროვაა – მელოთ 15. ამ ვარსკვლავების ასაკი მხოლოდ 1,5 მილიონი წელია. საინტერესოა ის ფაქტიც, რომ ნისლეული გული, ეთიოპიის მითიური დედოფლის – კასიოპეია, თანავარსკვლავედშია. ფოტოზე წარმოდგენილი ნისლეული და მისი გარემო, ცაზე 2 გრადუსიან სივრცეს იკავებს, რაც სავსე მთვარის ოთხი დიამეტრის ექვივალენტურია (ფოტოს ავტორი: დავით დვალი).

IC1848: ნისლეული სული

 ეთიოპიის დედოფლის სულში, ვარსკვლავები იბადებიან. სულის სახელით ცნობილი დიდი ვარსკვლავთწარმომქმნელი რეგიონი, კასიოპეიას თანავარსკვლავედის მიმართულებით მდებარეობს. ნისლეული სული, რამდენიმე ვარსკვლავური გროვისა და W5-ის სახელით ცნობილი რადიოწყაროს თავშესაფარია, ასევე, გაზების გიგანტური ბუშტებისა, რომლებიც მასიური ვარსკვლავების მძლავრმა ქარებმა წარმოქმნა. ნისლეულამდე მანძილი 6500 სინათლის წელია, ზომა – დაახლოებით 100 სინათლის წელი (ნისლეულები).