Posted by ასტრონომებმა აღმოაჩინეს ორი გაზური ღრუბელი, რომლებიც ფაქტიურად დიდი აფეთქების მერევე ჩამოყალიბდნენ, მოვლენისა, რომლის შედეგადაც ჩვენი სამყარო შეიქმნა. ამაზე მათ მიერ ჩატარებული ახალი კვლევის შედეგები მეტყველებენ.
ასტრონომები ამბობენ, რომ ამ “პრიმიტიული” ღრუბლების აღმოჩენა თეორიას სამყაროს შექმნის შესახებ კიდევ უფრო შეავსებს. აღმოჩენილი ღრუბლები მხოლოდ მსუბუქ გაზებს შეიცავენ: წყალბადი და ჰელიუმი. რამდენიმე ასეული მილიონი წლის მერე ეს ორი გაზი პირველი ვარსკვლავების ფორმირებისათვის საჭირო მთავარ ელემენტებად იქცნენ. მათ თავის მხრივ მძიმე ელემენტები წარმოქმნეს და მთელს კოსმოსში გაავრცელეს.
“მართლაც, ეს, სამყაროს შექმნის თეორიის საუკეთესო მტკიცებულებაა, რადგან ამ თეორიის თანახმად, დიდი აფეთქების პირველ წუთებში სწორედ ასეთი მსუბუქი ელემენტები გაჩდნენ, არ იყო არანაირი მძიმე ელმენტი” – ამბობს კვლევის ხელმძღვანელი მაიკლ ფუმაგალი (Michele Fumagalli, კალიფორნია, სანტაკრუზი).
“ჩვენ პირველად მივიღეთ აშკარა მტკიცებულება იმისა, რომ სამყაროს შექმნის თეორია სწორია. ეს საუკეთესო სიახლეა კოსმოლოგებისთვის”- სიცილით ამბობს მაიკლ ფუმაგალი.
მეცნიერები ყოველთვის ნახულობდნენ უფრო მძიმე ელემენტებს სამყაროს სხვადასხვა წერტილებში, როგორიცაა ნახშირბადი, ჟანგბადი და სილიციუმი. ამ ელემენტებისგან საერთოდ თავისუფალი გაზური ღრუბლის აღმოჩენა კი ასტრონომთათვის დიდ სიურპრიზად იქცა.
მეცნიერებმა ხსენებული ღრუბელი კვაზარის კვლევის დროს აღმოაჩინეს. ეს არის რეგიონები ზემასიური შავი ხვრელების გარშემო. კვაზარები კოსმოსში ყველაზე ელვარე სინათლეს ასხივებენ. პირველადქმნილი ღრუბლების აღმოჩენაში ასტრონომებს ტელესკოპი Keck I დაეხმარათ, რომელიც ჰავაიზე, კეკის ობსერვატორიაში მდებარეობს.