საინტერესო ფაქტები მაგელანის ნისლეულების შესახებ

 ირმის ნახტომის გალქტიკა-თანამგზავრები საიდუმლოებებითა და გამოცანებით არის მოცული, რომელთა ამოხსნასაც მსოფლიოს მეცნიერები ცდილობენ.

 როცა ევროპის სამხრეთული ობსერვატორიის ასტრონომები ჩვენ გალაქტიკას აკვირდებიან, მათ თვალთახედვაში მისი ორი თანამგზავრიც ხვდება – მაგელანის დიდი და პატარა ნისლეულები.

 მაგელანის დიდი(ფოტოზე მარცხნივ) ნისლეული 160 000 სინათლის წლის იქეთ მდებარეობს, ხოლო პატარა(1) 200 000 სინათლის წლის იქეთ.


 ადრე ორივე ნისლეული უფორმო(პენიკულარული) გალაქტიკებად ითვლებოდა, თუმცა მათში მეცნიერებმა სპირალური გალქტიკებისთვის(ბარით) დამახასიათებელი ნიშნები შეამჩნიეს.

 ეს გალქტიკები ერთმანეთთან შედარებით ახლოსაა და გრავიტაციულად დაკავშირებულ სისტემას ქმნის. დედამიწის სამხრეთ ნახევარსფეროში ისინი შეუიარაღებელი თვალითაც კარგად ჩანს. ორივე გალაქტიკა წყალბადის ერთიან ღრუბელშია ჩაფლული.

 ახალი კომპიუტერული მოდელირება აჩვენებს, რომ ერთ დროს, რამდენიმე ასეული მილიონი წლის წინათ, ეს გალქტიკები ერთმანეთს შეეჯახა. ეს მძლავრი შეჯახება იყო, რომლის დროსაც მაგელანის დიდმა ნისლეულმა პატარას, ვარსკვლავების დიდი რაოდენობა ”მოპარა”. მას შემდეგ, ისინი უზარმაზარი გაზური ”ხიდებით” არიან დაკავშირებული.

 ახალი კვლევის მიხედვით ისიც დადგინდა, რომ ორივე გალაქტიკური ღრუბელი უკანასკნელად მოძრაობს ირმის ნახტომის მახლობლად.

Leave a Reply

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

This site uses Akismet to reduce spam. Learn how your comment data is processed.