2002 წლის თებერვლიდან Mars Odyssey(NASA)-ზე არსებული ფართოკუთხიანი კამერიდან უკვე ნახევარმილიონზე მეტი ფოტო გადმოიცა.
ათი წლის წინ, 2002 წლის თებერვალს, თერმული ემისიით გამოსახულების მიმღები(THEMIS), ორბიტალური თნამგზავრის Mars Odyssey-ზე დამონტაჟებულმა ფართოკუთხიანმა კამერამ კვლევითი სამუშაოები დაიწყო. მას შემდეგ კამერამ მარსს 45 000-ჯერ შემოუფრინა, ინფრაწითელ და ხილულ დიაპაზონში ნახევარ მილიონზე მეტი გამოსახულება გადაიღო.
”THEMIS-მა ძალიან კარგად იმუშავა”, ამბობს ფილიპ კრისტენსენი არიზონას შტატის უნივერსიტეტიდან ტემპში. ”განსაკუთრებით სასიამოვნოა აღმოჩენათა სპექტრის ხილვა, რომელიც ამ ინსტრუმენტის საშუალებით მოხერხდა”.
THEMIS-ის 10 წლიანი მუშაობის საუკეთესო მიღწევებია:
– დიდი რაოდენობით ჰემატიტის აღმოჩენა მერიდიან Planum-ზე, რის გამოც ნასამ ერთ-ერთი თავისი მარსმავალი სწორედ ამ რეგიონის გამოსაკვლევად გააგზავნა.
– სამხრეთ პოლუსის გაყინული ქუდიდან ამომავალი ნახშირბადის ორჟანგის გაზური ნაკადების აღმოჩენა.
– მთელს პლანეტაზე ქლორის შემცველი მარილების აღმოჩენა.
– მარსის საუკეთესო რუქების შექმნა.
– ნასას დასაშვები ზონდისთვის(phoenix) ადგილის შერჩევა, ქვებისგან რაც შეიძლება თავისუფალი რეგიონის მოძებნით.
– მარსის ატმოსფეროში არსებული მტვრის აქტიურობის მონიტორინგი.
– კრატერ არამ ქაოსის აღმოჩენა.
– აღმოაჩინა, რომ მარსს წყლისგან გაჩენილი უფრო მეტი არხები აქვს, ვიდრე აქამდე ეგონათ.
– აქამდე უცნობი, უფრო განვითარებული ვულკანური ლავისთვის დამახასიათებელი, დაციტის აღმოჩენა.
THEMIS-ით გადაღბული პირველი ფოტო(NASA/JPL-Caltech/Cornell/Arizona State University).
Mars Odyssey ორ საათიან ორბიტაზე იმყოფებოდა, რომელიც თითქმის ”მზიურ-სინქრონულს” ემთხვევა, ანუ ყოველ დღე, ადგილობრივი დროით, ის ერთი და იგივე დროს ექცეოდა ზედაპირის ერთი და იგივე ადგილის თავზე. 2008 წლის სექტემბერში, მისი ორბიტა შეიცვალა, რამაც THEMIS-ისთვის მინერალების აღმოჩენის შესაძლებლობები გაზარდა.
” THEMIS-იც და Mars Odyssey-ც საუკეთესო მდგომარეობაში არიან, ჩვენ კვლავაც ველოდებით მათგან ახალი აღმოჩენების გაკეთებას”, ამბობს კრისტიენსენი(მარსის ორბიტალური მზვერავები).