Posted by თანამედროვე მეცნიერებაში თეთრი ლაქების სიმრავლეა. ყველა მათგანის აღწერას ენციკლოპედიის სისქის წიგნიც კი ვერ დაიტევდა. მოკლედ, ზოგიერთი მათგანის შესახებ ინფორმაციას მცირე ზომის სტატიების სერიებით წარმოგიდგენთ.
სფეროსებრი ელვა
მის შესახებ ყველას გსმენიათ, უნიკალური ბუნებრივი მოვლენა, ელექტრული სფერო, რომელიც ჭექაქუხილის დროს ჩნდება. ათეულობით მოწმობა არსებობს, მათ შორის, საკმაოდ ავტორიტეტულებიც, თუმცა ის ისე იშვათად და სპონტანურად ჩნდება, რომ ნორმალური ფოტოსურატის გადაღება ფაქტიურად ვერავინ შეძლო. ამ ატმოსფერული ფენომენის ასახსნელად 400 (!)-ზე მეტი თეორია შეიქმნა, ამ თეორიებს კლასიფიკაციაც კი გააჩნია.
ყველაზე უფრო გავრცელებული ვერსიებით, ეს არის მოძრავი განმუხტვა გაზში, ღრუბლებსა და დედამიწას შორის წარმოქნილი მაგნიტური ძალწირების გასწვრივ. ან, ეს არის უჯრედული სტრუქტურის მქონე პლაზმური წარმონაქმნი, რომლის ენერგია ამ უჯრედებსა თუ ფორებშია კონცენტრირებული. ზოგიერთი თეორიის მიხედვით, სფეროსებრი ელვა ოპტიკური ილუზიაა (ღმერთების საიდუმლო იარაღი: როგორ ესროლა ინდრამ ვაჯრა ვრიტრას; მთვარის ილუზია).
BLOOP
1997 წლის ზაფხულში, NOAA-ს (ა.შ.შ-ს ოკეანური და ატმოსფერული კვლევების ნაციონალური სამმართველო) რამდენიმე გემზე, სამხრეთ ამერიკის წყნარი ოკეანის სანაპიროებთან ახლოს, უცნაური წყალქვეშა ხმა დააფიქსირეს, რომლის წყარო ახლაც დაუდგენელია. ხმა, რომელსაც Bloop (ღრიალი) შეარქვეს, ერთი წუთის განმავლოაბში უმატებდა სიხშირეს, შემდეგ ისევ მინელდებოდა. ამასთან ერთად, ხმა სავარაუდო ეპიცენტრიდან 5000 კილომეტრის იქეთ მდებარე სონარებმაც დააფიქსირა. აქაც მხოლოდ თეორიებია – ზოგიერთის აზრით, ხმა ცხოველური წარმოშობის უნდა იყოს (როგორი იქნება ასეთი ხმის გამომცემი ცხოველი?!). ყველაზე სარწმუნო თეორიის მიხედვით, ეს არის წყლიანი გარემოს მიერ მრავალჯერადად დამახინჯებული ხმაური, რომელიც უზარამზარი აისბრის დაბზარვის დროს ჩნდება.
Bloop-ი ყურადღების გარეშე არც ”შეთქმულების თეორიის” მომხრეებმა დატოვეს. მათგან ყველაზე ცნობილის მიხედვით, ამ ბგერების ეპიცენტრის კოორდინატები ლიტერატურული წყალქვეშა ქალაქის – რლეჰს კოორდინატებს ემთხვევა, სადაც ჰოვარდ ლოვკრაფტის მიერ გამოგონილ ურჩხულს – კტულჰუს ძინავს:) (ყველაზე დიდი სიმძლავრის ბგერები იაპონიაში მომხდარი მიწისძვრის დროს დაფიქსირდა; იაპონიის მიწისძვრის მუსიკა).