თავკომბალები IC 410-ში

 გამოსახულებაზე, სუსტი ემისიური ნისლეულის – IC 410-ის ნაწილია წარმოდგენილი. მასზე ასევე, მტვრისა და გაზისგან შემდგარი ამ კოსმოსური აუზის სხვა ბინადრებიც არის აღბეჭდილი – ”თავკომბალები” IC 410. ნისლეული, რომლის სინათლე მის წინ არსებული მტვრით ნაწილობრივ შთაინთქმება, ახალგაზრდა გაფანტულ ვარსკვლავურ გროვას – NGC 1893-ს შემოფარგლავს. ვარსკვლავთ შორისი გაზის შიგნით 4 მილიონი წლის წინათ დაბადებული, გროვას უჩვეულოდ ცხელი და ელვარე ვარსკვლავები ამ ნისლეულის ნათებას იწვევს. შედარებით მეტი სიმკვრივის ცივი გაზისა და მტვრისგან შემდგარი ”თავკომბალების” სიგრძე 10 სინათლის წელს უტოლდება, მათი თავები კი კაშკაშა იონიზირებული გაზით არის შემოსაზღვრული. IC 410, ნისლეულებით მდიდარი მეეტლის თანავარსკვლავედის(მეეტლეს AE და ალმოდებული ნისლეული) მიმართულებით, ჩვენიდან 10 ათასი სინათლის წლის მანძილზე მდებარეობს.

Leave a Reply

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

This site uses Akismet to reduce spam. Learn how your comment data is processed.