1966 წლის 30 მაისს, მთვარისკენ გაშვებული “სურვეიორ-1” (Surveyor-1), დანიშნულების ადგილზე იმავე წლის 2 ივნისს მივიდა. იყო პირველი ამერიკული აპარატი, რომელმაც მთვარეზე რბილი დაჯდომა განახორციელა. შვიდი ასეთი ტიპის აპარატიდან, პირველის მიზანი იყო მთვარის ლანდშაფტის კვლევა აპოლონების პილოტირებული მისიებისთვის დასაშვები ადგილის შესარჩევად. ”სურვეიორ-1”-მა, 14 ივნისის მთვარის ღამის დადგომამდე დედამიწაზე 10 ათასზე მეტი ფოტო გადმოსცა. 13 ივლისის ღამემდე კი მის მიერ გადაღებული ფოტოების რაოდენობამ 11 ათასს მიაღწია. აპარატმა 1967 წლის 7 იანვრამდე იმუშავა. “მთვარის ორბიტული მზვერავის” (LRO) მიერ გადაღბულ ფოტოზე, ქარიშხლების ოკენეში დაშვებული ”სურვეიორ-1”, რომელიც ისევ იქ დგას, სადაც დაეშვა, გადღაბნილი წერტილის სახით წარმოგვიდგება. მთვარის შუადღის მერე, მზე დასავლეთ ჰორიზონტთან ახლოს იყო, რის გამოც 3,3 მეტრი სიმაღლის აპარატის ჩრდილის ზომა 15 მეტრს უტოლდებოდა.
გეოდეზისტის ჩრდილი მთვარეზე
Posted by