„ვარსკვლავძვრა“

 ორბიტალურმა ტელესკოპმა „კეპლერმა“ შეაგროვა მონაცემები „ვარსკვლავძვრებზე“(მიწისძვრა), ხუთასამდე მზისმაგვარი ვარსკვლავიდან. ამის შესახებ იუწყებიან ჟურნალი Sciense და პორტალი Space.com.-ი.

„ვარსკვლავძვრა“ გამოწვეულია ბგერის სიხშირის რხევებით, რომლებიც ვარსკვლავების სიღრმეებში ვრცელდებიან. მათი დაფიქსირება შესაძლებელია ვარსკვლავის ელვარების პეროიდული ცვლილებით. ასეთი მონაცემების ანალიზით მეცნიერებს შეუძლიათ მნათობის მასის, ზომისა და ასაკის დაზუსტება(მექანიკური რხევები განსხვავებულად ვრცელდება დიდ და პატარა ვარსკვლავებში, ასაკთან ერთად კი მათი ქიმიური შემადგენელიც იცვლება, რაც ასევე მოქმედებს ბგერების გავრცელების მახასიათებელზე). მეცნიერებას, რომელიც  „ვარსკვლავძვრებს“ იკვლევს ასტროსეისმოლოგია ეწოდება.

„კეპლერის“ სრულყოფილ ოპტიკას შეუძლია ვარსკვლავის უმცირესი ციმციმის დაფიქსირება. ამას გარდა ტელესკოპი დიდი რაოდენობის ვარსკვლავებს აკვირდება ერთბაშად, რაც ასეთი დიდი მოცულობის მონაცემების მიღების საშუალებას იძლევა. შეგროვილი ინფორმაციის წინასწარმა ანალიზმა აჩვენა, ვარსკვლავთა უმეტესობის ზომები შეესაბამება არსებული თეორიებით გამოთვლილს, ხოლო მასები კი გამოთვლილზე ოდნავ მცირეა.

„კეპლერის“(2009) უმთავრესი ამოცანაა ეკზოპლანეტების აღმოჩენა – ვარსკვლავის ელვარების ცვლილებაზე დაკვირვებით( რა თქმა უნდა ასეთ ცვლილებებს უფრო შესამჩნევი და დიდი პერიოდები აქვთ, ვიდრე ბგერებისგან გამოწვეულ ცვლილებებს), ელვარება იცვლება, როცა ვარსკვლავსა და ტელესკოპს შორის ამ ვარსკვლავის სისტემაში მყოფი პალანეტა მოექცევა ხოლმე(ტრანზიტული მეთოდი). „კეპლერმა“ ასეთი მეთოდის საშუალებით მეცნიერებისთვის ცნობილი ეკზოპლანეტების რიცხვი 1235-მდე გაზარდა(თუმცა ეს მონაცემი დამატებით კვლევებს მოითხოვს).

Leave a Reply

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *