გაქცეული ვარსკვლავი

 ეს ვარსკვლავი თავის ძველ კომპანიონს გაექცა. ის მაღალი სიჩქარით მოძრაობს გაზისა და მტვრის ვარსკვლავურ ღრუბელში და რკალის მაგვარ ტალღას წარმოქმნის (ყვითელი რკალი ფოტოზე). ვარსკვლავი, მზეზე 20-ჯერ მასიურია. წარსულში იგი კიდევ უფრო დიდი კომპანიონი ვარსკვლავის გარშემო ბრუნავდა. თუმცა ამ უკანასკნელმა ევოლუცია დაასრულა და ზეახლად აფეთქდა, გველისმჭერის ძეტა (Zeta Ophiuchi) კი მას ტყვიასავით მოწყდა. ასტრონომთა თქმით, ის 24 კმ/წმ-ში სიჩქარით მოძრაობს და გადაადგილების მიმართულებით გაზ-მტვროვან შესქელებებს წარმოქმნის, რომლის დაფიქსირებაც ინფრაწითელ დიაპაზონში მომუშავე “სპიცერმა” შეძლო. ასეთივე ეფექტი შეიძლება შევამჩნიოთ წყლის ზედაპირზე ნავის ცურვის დროს. ასტრონომთა აზრით, გველისმჭერის ძეტა, რომელიც დედამიწიდან 460 სინათლის წლის მანძილზე მდებარეობს, დაახლოებით 4 მილიონი წლის მერე ზეახლად აფეთქდება, როგორც მისი ყოფილი კომპანიონი.

Leave a Reply

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

This site uses Akismet to reduce spam. Learn how your comment data is processed.