მოგზაური ზემასიური ხვრელები

ასტრონომთა დასკვნა დედამიწიდან 4 მილიარდი სინათლის წლით დაშორებული გალაქტიკის CID-42-ის კვლევებს ეფუძნება. ხილულ დიაპაზონში მას სინათლის ორი მძლავრი წყარო გააჩნია. „ჩანდრათი“ ჩატარებული დაკვირვებებით დადგინდა, რომ მათგან მხოლოდ ერთი ასხივებს რენტგენის დიაპაზონში.

  გალაქტიკა CID-42 ორი გალქტიკის შერწყმით ჩამოყალიბდა. მის ცენტრთან ახლოს მყოფი ორი მძლავრი სინათლის წყარო ზემასიურ შავ ხვრელებს ჰგვანან. ორივე ხვრელი შემომფარგლავი მატერიის შთანთქმისას რენტგენის სხივებს უნდა ასხივებდნენ, თუმცა „ჩანდრა“ ამას მარტო ერთ-ერთ მათგანთან ხედავს.

 ასტრონომთა აზრით მოვლენას ორი ახსნა შეიძება ჰქონდეს. მეორე წყაროს ან სქელი ვარსკვლავური მტვერი ფარავს, ან ის შეიძლება სულაც არ შეიცავდეს შავ ხვრელს. ასეთ შემთხვევაში პირველი წყარო არის ერთადერთი ხვრელი, რომელიც გალაქტიკების ცენტრებში არსებული ზემასიური ხვრელების შერწყმით გაჩნდა.

 გალაქტიკური ცენტრიდან ამ ხვრელის დაშორებას ასტრონომები ორი გალაქტიკის შერწყმის პროცესში მათი ხვრელების მიერ გრავიტაციული ტალღების არასიმეტრიული გამოსხივებით ხსნიან, რის გამოც ის ამოგდებული იქნა ცენტრიდან. ამგვარად, გალაქტიკაზე დაკვირვებებით ასეთნაირად შერწყმული ზემასიური ხვრელების ნამდვილად არსებობა შეიძლება დამტკიცდეს, რასაც ჯერ კიდევ ალბერტ აინშტაინი წინასწარმეტყველებდა თავის ფარდობითობის საერთო თეორიაში.

 მიუხედავად იმისა, რომ ხვრელების ცენტრიდან ამოგდება ძალიან იშვიათი მოვლენა შეიძება იყოს, თვითონ ეს ფაქტი იმაზე მეტყველებს, რომ სამყაროში ალბათ ბევრი მოგზაური შავი ხვრელი არსებობს.

 რენტგენის დიაპაზონის ობსერვატორია „ჩანდრა“ორბიტაზე 1999 წელს გაიყვანეს. სწორედ ობსერვატორიის მაღალი გარჩევადობის კამერით მოხერხდა გალაქტიკა CID-42-ში, ხსენებული ობიექტებიდან ერთ-ერთში რენტგენის გამოსხივების არ არსებობა.

Leave a Reply

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *