გამრუდებული გალაქტიკა

 როგორ მოახერხა სპირალურმა გალაქტიკა ESO 510-13-მა ასეთი ფორმის მიღება? სპირალური გალაქტიკის დისკო, ჩვეულებრივ, თხელი და ბრტყელი ფორმისაა, ოღონდ სულაც არ არის მყარი. ეს მცირე სიმკვრივის მქონე წარმონაქმნები, შემდგარი ვარსკვლავებისა და დიფუზური გაზებისგან, გალაქტიკის ცენტრის(1) გარშემო გრავიტაციული ძალების ზემოქმედებით ბრუნავს. სავარაუდოდ, გაზის ღრუბლების არადრეკადი შეჯახებები, გალაქტიკის ჩამოყალიბების საწყის ეტაპებზე, ბრტყელი დისკოს წარმოქმნას იწვევს. თუმცა, ხშირია გამრუდებული ფორმის დისკოებიც, ჩვენს ირმის ნახტომსაც, როგორც ჩანს, ასევე აქვს მცირე გამრუდება. მიზეზი, ჯერ კიდევ შესწავლის პროცესშია, თუმცა არსებობს საფუძვლიანი ვარაუდი იმისა, რომ ეს, გალაქტიკების გრავიტაციული ზემოქმედებითა და შეჯახებებით შეიძლება ხდებოდეს. ESO 510-13-მდე მანძილი 150 მილიონი სინათლის წელია, ხოლო მისი ზომა 100 სინათლის წელი.