”ჰაბლი” – ოცდარვა წელი ორბიტაზე !!!

 კოსმოსური ტელესკოპი ”ჰაბლი”, უკვე ოცდამერვე წელია დედამიწის გარშემო მოძრაობს და სამყაროს სიღრმეთა ყველაზე უფრო ლამაზ ფოტოებს იღებს, რისთვისაც მას ”კოსმიური მხატვარიც” კი უწოდეს. ამ ნაყოფიერი მუშაობის ოცდამერვე წლის აღსანიშნავად, ”ჰაბლის” სარკე ულამაზეს ნისლეულისკენ იქნა მიმართული – ლაგუნა, იგივე მესიე 8(M8), ერთგვარი ”ვარსკვლავების სამშობიარო სახლი”.

 ლაგუნა მას სხვა დროსაც გადაუღია, თუმცა ერთ-ერთი ყველაზე უფრო ლამაზი ნისლეულის ახლია ფოტო ”ჰაბლის სამხატვრო გალერიაში” ღირსეულ ადგილს დაიკავებს. ლაგუნას ზომა 55/20-ზე სინათლის წელია, მდებარეობს 4 ათასი სინათლის წლის მანძილზე დედამიწიდან, რის გამოც მისი დეტალური დათვალიერება თანამედროვე ასტრონომიული მოწობილობისთვის პრობლემას არ წარმოადგენს.

ლაგუნას სამგანზომილებიანი ანიმაცია.

 ბნელსა და კარგად მოწმენდილ ზაცე ლაგუნას დანახვა შეუიარაღებელი თვალითაც არის შესაძლებელი. დიდი ზომისა და სიახლოვის გამო, ლაგუნა ”ჰაბლის” ხედვის არეში მთლიანად ვერ ეტევა. ნისლეულის ნაწილის წარმოდგენილი გამოსახულების ზომა 4 სინათლის წელია. სახელი კი ლაგუნას როფმის ფართო მტვროვანი ზოლის გამო შეარქვეს, რომელიც მაღალი გარჩევადობის ფოტოებზე დაიმზირება.

 მეორე ფოტოზე ლაგუნას ”გული” ჩანს, ადგილი, რომელიც მასიური და ცხელი ვარსკვლევბით არის შევსებული. მათი ულტრაიისფერი ნათება ღრუბლის გაზს არაგზნებს და ხილულ დიაპაზონში ნათებას აიძულებს. გარდა ამისა, ვარსკვლავების გამოსხივება გაზის მოძრაობასა და ერთმანეთში შერევას იწვევს, რაც ისეთ ფორმას სძენს მას, როგორსაც ფოტოებზე ვხედავთ. მისი ყველაზე უფრი დიდი და ელვარე ვარსკვლავია – ჰერშელი 36, მეორე ფოტოს ცენტრთან.

 ბოლოს, ინფრაწითელი დიაპაზონის ფოტოზე(ის სამ დიპაზონში მუშაობს – ულტრაიისფერი, ხილული, ინფრაწითელი) უამრავ ვარსკვლავს ვხედავთ, რომლებსაც მათ წინ მდებარე გაზისა და მტვრის რღუბლები მალავს(კიდევ ”ჰაბლის” შესახებ).

ფრენა ჰაბლის ექსტრემალურად ღრმა სივრცეში.

Leave a Reply

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

This site uses Akismet to reduce spam. Learn how your comment data is processed.