დაეწიო მზეს… ბომბდამშენი WB-57F Canberra .

დაეწიო მზეს…

 2017 წლის 21 აგვისტოს მზის სრული დაბნელების ხანგრძლივობა 3 წუთზე მცირე ხნით გაგრძელდება. ნასას მეცნიერები კი ამ მოვლენის დამზერას 7 წუთი შეძლებენ. 15 კილომეტრის სიმაღლეზე ასული მოდიფიცირებული ბომბდამშენი, მზეს გაეკიდება(ჩვენ ნახევარსფეროში არ გამოჩნდება).

 ის რამდენიმე წუთი, როცა მზის დისკოს დიდ ნაწილს მთვარე გადაფარავს, ამ თვითმფრინავების წინა ნაწილზე დაყენებული ტელსკოპები, მზის გვრიგვინის ყველაზე უფრო მკაფიო და დეტალურ ფოტოებს გადაიღებს, მოხდება მერკურის ზედაპირის ტემპერატურის გაზომვაც.

 ნახევარი საუკუნის წინანდელი ბომბდამშენი WB-57F Canberra, ხო ში მინის ბილიკს ბომბავდა, ავღანეთში კი მფრინავი რადიო სადგური მოვალეობას ასრულებდა. ახლა, ბომბების ნაცვლად მათ ბორტზე მხოლოდ ნასას მენცირები და მათი აპარატურა იქნება ატანილი.

 მზის გვირგვინის ტემპერატურა, ზედაპირის(ფოტოსფერო) ტემპერატურაზე გაცილებით მაღალია. გვირგვინი მილიონ გრადუსამდეა გავარვარებული, ფოტოსფერო კი მხოლოდ რამდენიმე ათას გრადუსამდე. ამის მიზეზი ახლაც ბოლომდე გაურკვეველი რჩება.

 ნანოანთებები, რომლებსაც ეს ფენომენი მიეწერა, მზის ელვარე ნათებაში იკარგება. ამასთან გამკლავებას აქამდე მხოლოდ IRIS ახერხებდა. უკეთესი გამოსახულების მიღება ამ აგვისტოს უნდა მოხდეს, როცა მთვარე ჩვენი მნათობის ყველაზე უფრო კაშკაშა ნაწილს დაფარავს. ბომბდამშენები დამზერის დროს გაზრდის და ალბათ, გვირგვინის გაცხელების პრობლემად წოდებული გამოცანის ამოხსნა ახლა მაინც მოხერხდება(მზის გვირგვინისა და სპიკულების გამოცანა ამოხსნილიამზის ცეცხლოვანი დაბნელება).

Show Comments Hide Comments

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *