ახალი აღმოჩენების მიხედვით, დედამიწისეული სიცოცხლე 3,77 მილიარდ წელზე მეტი ხნისაა ჰიდროთერმული საქშენების მიკრონამარხებიდან რეკონსტრუირებული ჰემატიტის მილაკების გამოსახულება. ნამარხების ასაკი, დღევანდელი მონაცემებით, სულ მცირე 3,770 მილიარდი წლით თარიღდება(M. Dodd).

ახალი აღმოჩენების მიხედვით, დედამიწისეული სიცოცხლე 3,77 მილიარდ წელზე მეტი ხნისაა

 ჰიდროთერმული საქშენების მიკრონამარხებიდან რეკონსტრუირებული ჰემატიტის მილაკების გამოსახულება – ნამარხების ასაკი, დღევანდელი მონაცემებით, სულ მცირე 3,770 მილიარდი წლით თარიღდება (M. Dodd).

კვებეკის (კანადა) ნუვუაგიტუნგის ყურეში ამოღებული ჰ ი დ რ ო თ ე რ მ უ ლ ი  ს ა ქ შ ე ნ ე ბ ი ს  ნამარხები (nasa.gov), სულ მცირე, 3,77 მილიარდი (ზოგი მონაცემებით კი – 4,28 მილიარდი) წლისაა. ყველაზე მცირე გათვლებითაც კი, ეს ნამარხები სიცოცხლის უძველეს ფორმებს წარმოადგენენ.

 წამყვანმა მკვლევარებმა, მეთიუ დოდიმ და დომინიკ პაპინეუმ, სამეცნიერო ჯგუფთან ერთად ქარვის მიკრონამარხები გამოიკვლიეს, რომლებშიც ჰემატიტით სავსე მიკრომილაკები აღმოჩნდა. რკინის მინერალები, რკინის ოქსიდისა და ჰიდროქსიდის ნარევია, ანუ – ჟანგი. ეს გარემო თანამედროვე მიკროორგანიზმების გარემოს მსგავსია, რომლებიც ჰიდროთერმულ საქშენებში დღესაც ცხოვრობენ. კარბონატული მინერალები ჟანგვის პროცესების მიმდინარეობას და ამ ორგანიზმების ბიოლოგიურ აქტივობას უწყობს ხელს. სტატია სათაურით “დედამიწისეული სიცოცხლის კვალი უძველესი ჰიდროთერმული საქშენების ნამარხებში” ჟურნალ Nature–ში გამოქვეყნდა.

ლონდონის საუნივერსიტეტო კოლეჯმა, კვლევის დეტალებთან დაკავშირებით, ვიდეო გამოაქვეყნა.

 კვლევა დააფინანსეს: ლონდონის საუნივერსიტეტო კოლეჯმა, ლონდონის ნანოტექნოლოგიის ცენტრმა, ინჟინერიისა და ფიზიკური მეცნიერებების კვლევითმა ცენტრმა, NASA–ს ასტრობიოლოგიის ინსტიტუტმა, ვაშინგტონისა და კანადის კარნეგის ინსტიტუტებმა.

 ასტრობიოლოგების აზრით, ეს კვლევა მარსზე, ევროპასა და სხვა პლანეტებზე სიცოცხლის კვალის ძიებისთვის მიმდინარე სამუშაოებს პრინციპულად ახალ ეტაპზე გადაიყვანს (წვეთები, რომლებიც ”ცოცხლდება”: კიდევ როგორ შეიძლებოდა გაჩენილიყო სიცოცხლე?; პლანქტონი 3 მილიარდი წლის ქანებში).

ავტორი: მარიკა ტარასაშვილი.

Show Comments Hide Comments

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *