მთვარის შორეული მხარის პირველი ვიდეო

 როგორც ცნობილია, ჩვენი ბუნებრივი თანამგზავრი მთვარე, დედამიწისკენ ყოველთვის ერთი მხრითაა შემობრუნებული, ამიტომ მისი შორეული მხარე ყოველთვის დიდ ინტერესს იწვევდა მეცნიერთა შორის. მიწიდან შორეული მხარის დანახვა შეუძლებელია. ამრიკულმა ზონდმა, ტყუპი  „Grail“-ებიდან ერთ-ერთმა, ამ ყველაზე იდუმალებით მოცული მხარის ფოტო და ვიდეო გადაიღო.
გამოსახულება მთვარის ბნელი მხარის დემონსტრირებას აკეთებს, ჩანს სამხრეთ პულუსზე მდებარე კრატერები. პირველად მეორე მხარეს ფოტოები საბჭოთა „ლუნა-3“-მა გადაიღო, 1959 წლის 7 ოქტომბერს. მიღებულ მასალებზე დაყრდნობით პირველად იქნა გაკეთებული მეორე მხარის რუქა, რომელიც ზედაპირის ასობით დეტალს მოიცავდა. მოგვიანებით შტერნბერგის ინსტიტუტთან ერთად მთვარის პირევლი გლობუსი შეიქმნა, მეორე მხარის გამსოახულების 2/3-ით.

მთვარე ჩვენსკენ ყოველთვის ერთი მხრითა შემობრუნებული, რადგან მისი, დედამიწის გარშემო ბრუნვის პერიოდი თავისსავე ღერძის გარშემო ბრუნვის პერიოდს უტოლდება. მეორე მხარის განსაკუთრებული თავისებურება მატერიკული რელიეფის „ზღვებსა“ და მთებზე დომინირებაშია. აქ მხოლოდ ორი ზღვაა(ე.წ. ზღვა), მოსკოვის და ოცნების, მეორეს მხრივ, მთვარის უდიდესი კრატერებიდან პირველი ცხრა სწორედ მეორე მხარეზეა.
MoonKAM-ით გადღებული ვიდეო მეორე მხარეს უფრო დეტალურად წარმოგვიდგენს.
„მიღებული ვიდეოჩანაწერის ხარისხი შესანიშნავია“ – ამბობს მარია ზუბერი, პროექტ „Grail“-ის მთავარი მკვლევარი. 30 წამიან ჩანაწერში შეგვიძლია ვნახოთ შორეული ნახევარსფეროს რელიეფი და კრატერები.

Leave a Reply

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *