პირველი კვაზარი „ჰაბლმა“ გადაიღო

პირველი კვაზარი „ჰაბლმა“ გადაიღო

 მეცნიერებმა, რომლებიც „ჰაბლიდან“ მიღებულ მონაცემებზე მუშაობენ, კვაზარ 3C 273-ის ფოტო გამოაქვეყნეს(NASA).

 კვაზარამდე მანძლი 2,5 მილიარდი სინათლის წელია, ის ქალწულის თანავარსკვლავედის მიმართულებით მდებარეობს. სიშორის მიუხედავად ეს კვაზარი ერთ-ერთი უახლოესი მსგავსი ტიპის ობიექტია. ნასას განცხადებაში ნათქვამია, რომ ახალი ფოტოსურათი არსებულთა შორის საუკეთესოა.

 3C 273 იყო პირველი ობიექტი, რომელსაც სახელად კვაზარი უწოდეს(კვაზივარსკვლავური რადიოწყარო). ის წინა საუკუნის სამოციან წლებში აღმოაჩინეს.

 თანამედროვე წარმოდგენების მიხედვით, კვაზარები გალაქტიკების ცენტრებში მდებარე ზემასიური შავი ხვრელები არიან. მათი გამოსხივების წყარო არის მატერია, რომელსაც ხვრელის გრავიტაციული ველი ლამის სინათლის სხივის სიჩქარემდე აჩქარებს. ამ პროცესების მიმდინარეობისას ენერგიის უზარმაზარი რაოდენობა გამოიყოფა. მეცნიერთა თქმით, ეს კვაზარი ჩვენიდან 30 სინათლის წლის მანძილზე რომ ყოფილიყო, მისი ელვარება მზისას გაუტოლდებოდა.

 3C 273 კვაზარების ქვექლასს – ბლაზარებს ეკუთვნის. მათთვის ელვარების მაღალამპლიტუდური ცვალებადობაა დამახასიათებელი ხილულ დიაპაზონში. კიდევ ერთი განსაკუთრებული მახასიათებელი ყველა დიაპაზონში გამოსხივების ნაწილობრივი წრფივი პოლარიზაციაა. ის რადიოხმამაღალი კვაზარიც არის, ასევე პირველი არაგალაქტიკური რენტგენის წყარო, აღმოჩენილი 1970 წელს. მიუხედავად ამისა, მსგავს ობიექტებში, რენტგენის გამოსხივების ფორმირების მექანიზმი ახლაც უცნობია(კიდევ კვაზარებზე).

Show Comments Hide Comments

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *