განახლდა: 16/11/2026
ამ სიგნალებს ზეგრძელი ბაზის მქონე ანტენების მასივი იღებს (VLBA; ასტრონომებმა დედამიწის გალაქტიკური მისამართი დააზუსტეს), რომელიც სხვადასხვა კონტინენტებზე განლაგებული 10 რადიოტელესკოპისგან შედგება.
ეს ბაცი-ცისფერი წერტილი, ადამიანის მიერ შექმნილი ყველაზე შორს მდებარე ობიექტია.
”ვოიაჯერ-1”-ის გადამცემის სიმძლავრე 23 ვატია. ანტენა დედამიწისკენაა მომართული, თუმცა უკვე დაახლოებით 26 მილიარდ კილომეტრამდე მანძილიდან ჩვენამდე მოსული სიგნალი ძალიან სუსტდება – ვატის მემილიარდედის მემილიარდედი. ეს სუსტი სიგნალი ერთად-ერთი საშულებაა, რომელიც 49 წლის წინათ გაშვებულ ზონდთან გვაკავშირებს.
რა თქმა უნდა, მისი აღმოჩენა ძალიან ძნელია და სწორედ ამიტომ იყენებენ დიდ რადიოტელესკოპებს “ვოიაჯერთან” სასაუბროდ.
ეს ბაცი-ცისფერი წერტილი, რადიოანთება ბნელ ცაში, ჩვენს ნაწილს წარმოადგენს. ავტომობილის ზომის 723 კილოგრამიანი ზონდი, აღჭურვილი მარტივი კომპიუტერითა და რადიოაქტიური ენერგიის წყაროთი, დედამიწელებმა მზის სიტემის შესასწავლად გაუშვეს. 49 წლის მერეც, აპარატი ჩვენთან ურთიერთობას აგრძელებს.
ორი ბაცი-ცისფერი წერტილი ერთმანეთს უყურებს (სიცოცხლის ყველა ფერი).

2026 წლის 18 ნოემბერს, ”ვოიაჯერ-1”-სა და მზეს შორის მანძილი 1 სინათლის დღეს გაუტოლდება, რაც მას ადამიანის მიერ შექმნილ და ყველაზე შორს გაფრენილ მოწყობილობად აქცევს. 1 სინათლის დღის მანძილზე ერთი მიმართულებით სიგნალის მისვლას დაახლოებით 24 საათი სჭირდება, ხოლო ორმხრივ კომუნიკაციას (ბრძანების გაგზავნა და პასუხის მიღება) – თითქმის 48 საათი. დიდი სიჩქარით მოძრაობის გამო, აპარატის რელატივისტური მასა, მისი უძრაობის მასაზე, დაახლოებით 1,168 მილიგრამით მეტია (ამ ფორმულის თანახმად: m=m0/1-v2/c2). წლის გარკვეულ პერიოდში ”ვოიაჯერ-1” და დედამიწა ერთმანეთს უახლოვდება, რადგან დედამიწა უფრო მეტი სიჩქარით მოძრაობს მზის გარშემო (30 კმ/წმ.), ვიდრე აპარატი (17 კმ/წმ.) შორდება მას („ვოიაჯერის“ ოქროს ჩანაწერი…; კიდევ ვოიაჯერის შესახებ).