Posted by ასტრონომები ვარაუდობენ, რომ მთვარე, დედამიწის ერთად-ერთი ბუნებრივი თანამგზავრი არ იყო. იყო კიდევ ერთი, მცირე ზომის, რომლის მასა მთვარის 4%-ს შეადგენდა.
ასტრონომებმა ორი თანამგზავრის შეჯახების მოდელირება გააკეთეს, რომლებიც შემდეგ ერთ დიდ მთვარედ გაერთიანდა. სწორედ ასეთი შერწყმით შეიძლება აიხსნას მთვარის მხარეებს შორის არსებული დიდი განსხვავება. მთვარის დიამეტრი 3474 კილომეტრია, მეორე თანამგზავრის დიამეტრი კი დაახლოებით 1200 კილომეტრი თუ იქნებოდა.
ამ ორიდან, პატარა ყოველთვის ცდილობდა დაწეოდა ”გოლიათს”, დედამიწის გარშემო ელიფსურ ორბიტაზე მოძრაობდა, სანამ არ შეეჯახა მას.
მკვლევარები თვლიან, რომ მეორე, უკვე არ არსებული თანამგზავრიც, დედამიწასთან მარსის ზომის ობიექტის შეჯახებით გაჩნდა. ორივე თანამგზავრი ერთსა და იგივე დროს წარმოიქმნა.
მთვარის მეორე მხარე ახლაც გამოცანებითაა სავსე. მას ხშირად, ირონიულად მთვარის ბნელ მხარესაც უწოდებენ, თუმცა იქაც ხდება დღეებისა და ღამეების მონაცვლეობა. მაშინ რატომ არის ეს ორი მხარე ასე განსხვავებული? ახლო მხარე ძირითადათ, სწორი ზედაპირით გამოირჩევა, შორეული კი უფრო მთაგორიანია და მრავალ რიცხოვანი ღარებითაა დაფარული. იმიტომ ხომ არა, რომ ჩვენი მთვარე ორი სხვადასხვა თნამგზავრის შეჯახებითაა დაბადებული?
ავტორი: თეო ჯაფარიძე.