სამყაროს ყველაზე ცივი ადგილის მოჩვენება

 რადიოტელესკოპების კომპლექსის ALMA-ს დახმარებით ასტრონომებმა ნისლეულ PGC 3074547-ის დეტალური გამოსახულება მიიღეს, მას ნისლეულ ბუმერანგსაც უწოდებენ. ასევე სამყაროს ყველაზე ცივ ადგილად ცნობილ ამ რეგიონში „მოჩვენებაც“ აღმოჩნდა, უჩვეულო ფორმის გაზის ღრუბელი(Phys.org).
_ავსტრალიელმა, ა.შ.შ-ელმა და ჩილელმა მკვლევარებმა ALMA-ს( ატაკამას დიდი მილიმეტრული მასივი(ALMA); დიდი ტელესკოპების ერა) საშუალებით რადიოგამოსხივება დააფიქსირეს, რომელსაც ნისლეული ბუმერანგი 115,2712 გიგაჰერც სიხშირეზე ასხივებს. ეს გამოსხივება მიკროტალღურ დიაპაზონს შეესაბამება და მისი ამორჩევა არ იყო შემთხვევითი, სწორედ ამ სიხშრეზე ასხივებენ ნახშირბადის ოქსიდის(CO) მოლეკულები. ამ სიხშირეზე ნისლეულის მკაფიო გამოსახულების მიღება ყოველგვარი გარე ხარვეზების გარეშეა შესაძლებელი( მოკლედ რადიოტალღებისა და რადიოასტრონომიის შესახებ).
_ნისლეული ბუმერანგი დედამიწას 5000 სინათლის წლით არის დაშორებული და კენტავრის თანავარსკვლავედის(1) ფონზე დაიმზირება. პირველ ფოტოებზე ის მართლაც ავსტრალიურ სასროლ იარაღს ჰგავდა. მოგვიანებით, „ჰაბლის“ მიერ გადაღებულ გაცილებით მაღალი ხარისხის გამოსახულებაზე მისი სრულიად განსხვავებული ფორმა გამოვლინდა: ობიექტი PGC 3074547 ქვიშის საათის ფორმის აღმოჩნდა. ცენტრში ხნიერი ვარსკვლავია, „საათის“ ორივე ნახევარი კი ამ ვარსკვლავის გარე ფენებიდან მოცილებული ნივთიერებებით ჩამოყალიბდა. რადიოგამოსახულებაზე მეცნიერები ამდაგვარი სურათის დანახვას ელოდნენ, თუმცა რეალობა სხვაგრავი აღმოჩნდა. რადიოდიაპაზონში მანათობელი ღრუბელი უფრო ფართო და წაგრძელებული აღმოჩნდა. ნახევრებს შორის გადაბმის ვიწრო ზოლი მეცნიერებმა ვერ გამოავლინეს, სამაგიეროდ ცენტრში მიკროტალღური გამოსხივების ელვარე ობიექტი შეამჩნიეს: კვლევის ავტორთა აზრით, ამ გამოსხივებას წარმოქნის მტვერი, რომლის ნაწილაკთა ზომები 1 მილიმეტრზე მეტი არ არის. გარდა ამისა, ახლოს მდებარე გაზიც ასხივებდა, რომელიც აქამდე სამყაროს ყველაზე ცივ ადგილად ითველბოდა. მეცნიერთა აზრით, გაზი თავიდან მკვეთრი გაფართოების შედეგად ცივდებოდა, ხოლო შემდეგ ნისლეულის ცენტრში დმებარე ვარსკვლავის ულტრაიისფერი სხივებით ისევ ცხელდებოდა.
_რაიმე სპეციალური მექანიზმების გარეშე, როგორიც მაგალითად, სწრაფი გაფართოებაა, სამყაროს მატერიას არ შეიძლება ჰქონდეს რელიქტურ გამოსხივებაზე დაბალი ტემპერატურა(“პლანკმა” WMAP-ის მიერ აღმოჩენილი ანომალია დაადასტურა). ამის გამო ვარსკვლავებიდან შორს მდებარე ნისლეულების ტემპერატურა რამდენიმე კელვინზე ნაკლები ვერ იქნება(ნისლეულები; აბსოლუტურად შავი სხეულის გამოსხივება).

Leave a Reply

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

This site uses Akismet to reduce spam. Learn how your comment data is processed.