Posted by განახლდა: 02/08/2026
რა ემართებათ ამ ღრუბლებს? შორეულ ფრთისებრ (ცირუსები) ღრუბელში შეტივტივებული ყინულის პატარა კრისტალები პრიზმის როლში გამოდიან. ცეცხლის ალის მსგავსი გარეგნობის გამო მას არაოფიციალურად „ცეცხლოვან ცისარტყელას“ უწოდებენ. იმისათვის, რომ მანათობელი თაღი გამოჩნდეს, სულ მცირე 58 გრადუსის სიმაღლეზე ასული მზის ქვეშ ბოჭკოვანი ფრთისებრი ღრუბლები უნდა იყოს. ამ ღრუბლებში უამრავი ბრტყელი, ექვსკუთხა ყინულის კრისტალია, რომლებიც ზუსტად ჰორიზონტულად უნდა იყოს გასწორებული, რომ მზის სინათლე სწორად გარდატყდეს. სწორედ ამიტომ არის ეს მოვლენა ძალზე იშვიათი. ფოტოზე აღბეჭდილი ცეცხლოვანი ცისარტყელა 2021 წელს აშშ-ში, დასავლეთ ვირჯინიის შტატში, ნორთ-ფორკის მთის მიმდებარე ტერიტორიიდან არის გადაღებული (სხვა ცისარტყელები).