უახლოესი ვარსკვლავი „ჰაბლმა“ გადაიღო

 კენტავრის პროქსიმა, კენტავრის ალფასთან, ვარსკვლავთშორისი მოგზაურობის ყველაზე საუკეთსო კანდიდატად განიხილება. ეს არის დედამიწასთან ყველაზე ახლოს მდებარე სისტემა, ოთხი სინათლის წელი გალაქტიკური მასშტაბებით დიდი ციფრი არ არის, თუმცა არა ტექნოლოგიის განვითარების ისეთი დონისთვის, რომელზეც კაცობრიობა იმყოფება. ასეთ გადაფრენას რამდენიმე ათასი წელი დასჭირდება. მზემდე მანძილი 2,5 სანტიმეტრი რომ იყოს, პროქსიმამდე მანძილი 7 კილომეტრი იქნებოდა!!!
_ასეა თუ ისე, ჩვენ ამ სისტემის ფოტოების გადაღება მაინც შეგვიძლია. კოსმოსურმა ტელესკოპმა „ჰაბლმა“ წითელი ჯუჯას ახალი გამოსახულება მიიღო, რომელიც ვარსკვლავურ სისტემა კენტავრს ეკუთვნის – კენტავრის პროქსიმა. მიუხედავად იმისა, რომ პროქსიმა უახლოესი ვარსკვლავია(მზის მერე რა თქმა უნდა), მისი სიკაშკაშე საკმარისი არაა იმისათვის, რომ შეუიარაღებელი თვალით დავინახოთ, რაც სულაც არ არის გასაკვირი, იმის გათვალისწიმებით, რომ მისი მასა რვაჯერ ნაკლებია მზისაზე. თუმცა, ზოგჯერ ისიც ხდება ხოლმე ელვარე.
_პროქსიმა ეკუთვნის ვარსკვლავებს, რომლებსაც ანთებად ცვლადებს უწოდებენ. ეს იმას ნიშნავს, რომ მასში მიმდინარე კონვექციური პროცესები ვარსკვლავს სიკაშკაშის მნიშვნელოვანი(“ორსართულიანი” კონვექცია მზეზე), შემთხვევითი ცვლილებებისკენ უბიძგებენ. ამ ვარსკვლავის ნათობა რამდენიმეჯერ შეიძლება გაიზარდოს, ხოლო ჩვეულებვრივ მისი ხილული ვარსკვლავური სიდიდე 11 m-ს უტოლდება – აცხადებენ „ჰაბლის“ საინფორმაციო ცენტრში.
_კონვექციური პროცესები ვარსკვლავის სინათლის არა მარტო „ჩართვა – გამორთვას“ ახდენენ, არამედ იმაზე მეტყველებენ, სხვა ფაქტორებთან ერთად, რომ ვარსკვლავი თავისი არსებობის ბოლო სტადიიდან ძალიან შორს არის. მეცნიერები პროქსიმას კიდევ დაახლოებით სიცოცხლის 4 ტრილიონ წელს „აძლევენ“, საკმარის დროს, რომ ხომალდის აგება მოხერხდეს, მთავარია გვეყოს მოთმინება(პლანეტები კენტავრის პროქსიმასთან).

Leave a Reply

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

This site uses Akismet to reduce spam. Learn how your comment data is processed.