რაშია ”ღორღის გროვას” ტიპის ასტეროიდების სიმტკიცის საიდუმლო

 ამერიკელმა ასტრონომებმა, დედამიწასთან ახლოს მოძრავი ასტეროიდი – 1950 DA შეისწავლეს. დადგინდა, რომ ამ ციურ სხეულს, ბრუნავს რა მაღალი სიჩქარით, დაშლისგან ვან-დერ-ვაალსის ძალა იცავს.

 მეცნიერები ფიქრობდნენ, რომ ასტეროიდი 1950 DA ღორღის გროვა იყო, რომელსაც დაშლისგან ხახუნისა და მიზიდულობის ძალები იცავდა. ბრუნვის სიჩქარის დაზუსტების მერე გაირკვა, რომ ეს მონაცემი მსგავსი სიმკვრივის სხეულის მთლიანობის შენარჩუნების ზღვარს აჭარბებს. მას რომ გრავიტაცია ”ამაგრებდეს”, ასტეროიდი დიდი ხნის წინათ განადგურდებოდა. როგორც ჩანს, ასტეროიდს ატომებსა და მოლეკულებს შორის მოქმედი მოჭიდულობის ძალები ამყარებს.

 აღსანიშნავია, რომ ბრუნვის მაღალი სიჩქარის გამო, ასტეროიდის ეკვატორზე მოქმედი ინერციის ძალა, უბრალოდ, ფეხზე ადგომის მცდელობისას, 1950 DA-ის ზედაპირზე მყოფ ასტრონავტს ღია კოსმოსში გაისროდა.

 ასტროფიზიკოსები გვაფრთხილებენ: ასტეროიდებს, რომლებსაც ვან-დერ-ვაალსის ძალები ”მართავს”, თუ დედამიწას საფრთხეს შეუქმნის, მიყენებული დარტყმა კი არ ააფეთქებს, უსაფრთხო მტვრად გადაქცევით, არამედ რამდენიმე, არანაკლები საშიშროების უფრო სქელ ფრაგმენტებად გადააქცევს.

 ვან-დერ-ვაალსის(სიცარიელის ძალის გაძლიერება…) ძალები, მოლეკულათშორისი(და ატომებსშორისი) ურთიერთქმედების ძალებია, ენერგიით – 10—20 კჯ/მოლი. მიეკუთვნება შორსმოქმედ ძალებს. მოლეკულათა ელექტრონულ გარსებში რაიმე მნიშვნელოვან შეშფოთებებს არ იწვევს და წარმოადგენს რთულ მოვლენას, სხვადასხვა ბუნების ძალათა ეფექტების ნაკრებს.

Leave a Reply

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

This site uses Akismet to reduce spam. Learn how your comment data is processed.