იური გაგარინის მიერ 64 წლის წინათ ნანახი პლანეტა

 1961 წლის 12 აპრილს, საბჭოთა კოსმონავტი, იური გაგარინი, კაცობრიობის ისტორიაში პირველად, კოსმოსში გაფრინდა. დისტანციურად მართვადმა კოსმოსურმა ხომალდმა – „ვოსტოკ-1“, ის 320 კილომეტრის სიმაღლეზე აიყვანა და დედამიწის გარშემო ერთი წრე შემოატარა. პირველი კომენტარები სივრცეზე, რომელიც მან აღწერა ასეთია – „ცა ძალიან მუქია, დედამიწა მოცისფრო“. მისი თვალით ნანახი, ალბათ, მოგვაგონებდა სურათს, რომელიც 2003 წელს, საერთაშორისო კოსმოსური სადგურიდან გადაიღეს. პირველი ამერიკელი ასტრონავტი, ალან შეპარდი, ცოტა მოგვიანებით, იმავე წლის მაისში სუბორბიტულ სიმაღლეზე აფრინდა. გაგარინი 1934 წლის 9 მარტს დაიბადა, იყო სამხედრო პილოტი, სანამ პირველი კოსმონავტების ჯგუფში შეიყვანდნენ. კოსმოსში გაფრენით ის საერთაშორისო გმირად და ლეგენდად იქცა. 1968 წელს, საწრთვნელი ფრენების დროს, გაგარინი დაიღუპა, მისი ფერფლი კრემლის კედელშია დასვენებული. 20 წლის მერე, 1981 წელს, კიდევ ერთ 12 აპრილს, ამერიკელებმა პირველად გაუშვეს კოსმოსური “შატლი”.