პირდაპირი ტრანსლაცია საერთაშორისო კოსმოსური სადგურიდან

 კოსმოსიდან დედამიწისთვის რომ შეგეხედათ, რაღაც ამდაგვარს დაინახავდით. ორი კვირის წინ კომპანია SpaceX-ის სატვირთო ხომალდმა დრაკონმა(კოსმოსი 2013: მიღწევები და გეგმები), დედამიწის გარშემო მბრუნავ საერთასორისო კოსმოსურ სადგურზე(სკს) სხვა დანარჩენთან ერთად, დედამიწაზე დასაკვირვებლად მაღალი გარჩევადობის კამერებიც(High Definition Earth Viewing — HDEV) აიტანა, რომლებიც დედამიწის ხედებს იღებენ და ორბიტიდან ტრანსლირებას ახდენენ. ამ ვიდეო-ტრანსლაციაზე(როცა მუშაობს) ოთხი, სხვადასხვა მხარეს მიმართული კამერის მიმდევრობითი ჩართვებით დედამიწის დათვალიერება ”პირდაპირი ეთერით” შეგეძლებათ. თეთრი ღრუბლები, მოყავისფერო ხმელეთი და ცისფერი ეკეანეები თქვენს ქვემოთ მიცურავენ. სწრაფი მოძრაობის გამო სკს-ს ერთ სრულ ბრუნს პლანეტის გარშემო 90 წუთს ანდომებს და დღე-ღამის ბნელ ნაწილს 45 წუთამდე ამცირებს. სკს-ს მდებარეობაზე თვალყურის მიდევნება ინტერნეტით აქედან შეგიძლიათ. თუ გამოსახულება რუხი გახდა, ეს იმას ნიშნავს, რომ ვიდეო-ნაკადი კამერებს შორის ირთვება, ან სკს-სთან კავშირი დროებით შეზღუდულია. პროექტ HDEV-ის განვითარებასთან ერთად, გამოსახულების ხარისხიც გაუმჯობესდება, რაშიც მაღალენერგიული კოსმოსური სხივების ზემოქმედების შემცირება, საუკეთესო ტიპის კამერის შერჩევა და ყველაზე უფრო პოპულარული ხედების დადგენა იგულისხმება.

Live streaming video by Ustream

One comment

Leave a Reply

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *