არსებობს თუ არა უკვდავების წყარო..?(ბეთქილი)

 თუ გულისხმობთ ზღაპრულ უკვდავების წყაროს, მაშინ ეს მხოლოდ ზღაპარია, არარეალური რამ, ხოლო თუ გადატანითი მნიშვნელობით, ანუ მარადიული სიცოცხლის მეცნიერული საშუალებების გამოგონებების შესახებ, აქაც არ არის ჯერჯერობით დიდი პროგრესი, თუმცა ბიოლოგებმა უკვე მიაგნეს ნიშნებს, რომელთა საშუალებითაც გენეტიკური კოდის გადამტანი უჯრედები(დნმ) სიცოცხლის ხანგრძლივობას აკონტროლებენ… დნმ-ს ბოლოებზე აღმოაჩინეს უჯრედები, რომლებიც ამას აკონტროლებენ და ასევე გაირკვა, რომ რაც უფრო ასაკიანი არიან მშობლები, მით მეტია ამ უჯრედების დადებითი ზეგავლენა…. მუშაობა ჯერ ახლა იწყება. თუ დავაკვირდებით ბუნებას, კოსმოსური მასშტაბებიდან ატომამდე, ვნახავთ, რომ უკვდავი არაფერია, ყველაფერს აქვს დასასრული, მათ შორის სამყაროსაც. ამასთან დაკავშირებით საიტზეც დაიწერა – უკვდავი მედუზა; დიდი გახლეჩა.