Posted by NASA-ს კუთვნილი ორბიტული ტელესკოპით – „კეპლერი“, აღმოაჩინეს პლანეტა, რომელიც აქამდე აღმოჩენილთა შორის, ყველაზე მეტად ჰგავს დედამიწას. მზისმაგვარი ვარსკვლავის გარშემო ეს პლანეტა 385 (365 დედამიწის შემთხვევაში) დღიანი პერიოდით ბრუნავს. ის სასიცოცხლო ზონაში მდებარეობს და მეცნიერთა მტკიცებით, ცილებზე დაფუძნებული სიცოცხლის გაჩენისთვისაც სრულიად თავსებადია.
ეგზოპლანეტა კეპლერი – 452 b, დედამიწის მსგავსად, G2 ტიპის ვარსკვლავის – კეპლერი – 452-ის გარშემო ბრუნავს. დედამიწაზე 1,6-ჯერ მეტი ზომის პლანეტაზე, წყლის თხევად მდგომარეობაში არსებობისათვის საჭირო პირობებია, რაც თავის მხრივ, ცილოვანი არსებების გაჩენის უმთავრესი კომპონენტია.
კეპლერი – 452 b, გედის თანავარსკვლავედში, დედამიწიდან 1400 სინათლის წლის მანძილზე მდებარეობს. მისი დედავარსკვლავის ასაკი დაახლოებით 6 მილიარდი წელია, ანუ 1,5 მილიარდი წლით უფროსია მზეზე, ასევე, 20%-ით ელვარე და 10%-ით დიდია მასზე.
კეპლერი – 452 b გახდა 1030-ე ეგზოპლანეტა, რომლის არსებობა დამტკიცებულია, კიდევ 4696 კვლევის პროცესშია (ეგზოპლანეტები; „კეპლერი“ მუშაობას აგრძელებს; “კეპლერის” მესამე გიროსკოპი მზე იქნება).
httpv://youtu.be/eaf-nPAW7Fs
“კეპლერი”(NASA).