”კასინი” უყურებს სატურნს (NASA, JPL-Caltech, Space Science Institute).

”კასინი” უყურებს სატურნს

 აი როგორ გამოიყურება სატურნი, თუ მას შევხედავთ წერტილიდან, რომელიც რგოლების შიგნით მდებარეობს. გასულ კვირას, ნასას კოსმოსურმა აპრატმა – ”კასინი”, სატურნსა და მის რგოლებს შორის პირველად გაიარა. ამ ”ჩაყვინთვის” დროს ავტომატურმა აპარატმა ასეულობით ფოტო გადაიღო, რომლებიც გიგანტის ატმოსფეროს დეტალებს უპრეცედენტო გარჩევადობით წარმოგვიდგენს. უახლოეს წერტილზე გავლამდე რამდენიმე საათით ადრე გადაღბულ ფოტოზე, უჩვეულო ექვსკუთხედი ჩანს, რომელიც სატურნის ჩრდილოეთ პოლუსზეა(გიგანტური ხვეული სატურნის ატმოსფეროში). ყველაზე უფრო ახლოს С რგოლია, ხოლო კასინის სახელით ცნობილი ბნელი ჭრილი, შიდა В რგოლსა და გარე А რგოლს ყოფს. თუ კარგად დავაკვირდებით, ორ პატარა თანამგზავრს შევამჩნევთ – ყველაზე შორეული F რგოლის ე.წ. ”მწყემსები”. ეს დაუმუშავებელი გამოსახულებაა, მისი ოფიციალურად გამოქვეყნება კი მოგვიანებით, შემოწმებისა და კალიბრირების შემდეგ მოხდება. მისია ”კასინი”, 15 სექტემბერს, სატურნის ატმოსფეროში შეჭრით დასრულდება(„კასინი“ – მისიის დასასრულის კულმინაციური მომენტი).

Show Comments Hide Comments

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *